Chalval.com

  One State One Election; एक देश एक निवडणूक           केंद्र सरकारने भारताचे माजी राष्ट्रपती रामनाथ कोविंद यांच्या अध्यक्षतेखाली 'एक देश एक निवडणूक' संदर्भात एक समिती स्थापन केली. देशात 'लोकसभा' आणि 'विधानसभा' या प्रत्यक्ष जनतेमार्फत निवडल्या जाणाऱ्या सभागृहाच्या एकाचवेळी निवडणुका घेण्याचा उद्देश यामागे आहे. निवडणुकांवर होणा-या अवाढव्य खर्चात बचत करणे, निवडणुक आचारसंहितेमूळे थांबणारी विकासकामे सुरू ठेवणे, निवडणुक कामात गुंतलेल्या कर्मचाऱ्यांना विकासाच्या कामात आणणे, निवडणुक सुरक्षा यंत्रणावरील ताण कमी करणे, निवडणुक प्रक्रियेतील खंडणी, भ्रष्टाचारासारखी आर्थिक गुन्हे कमी करणे अशी यामागची भूमिका आहे. मात्र असा कायदा आल्यास लोकप्रतिनिधी जनतेकडे कानाडोळा करण्याची शक्यता नाकारता येत नाही. देशव्यापी निवडणुकांमुळे राजकारणात राष्ट्रीय राजकीय पक्षाचे प्राबल्य वाढून प्रादेशिक पक्षांसाठी संधी कमी होण्याची भिती आहे. मतदारांमध्ये संभ्रम निर्माण होण्याची शक्यता आहे. अशा दोन्ही बाजू जाणून घेणे क्रमप्राप्त ठरते. लोकशाहीत निवडणुका अपरिहार्य आहेत. निवडणुका म्हणजे लोकशाही...

  भारताची झेप आता ☀️ सुर्याकडे           चंद्रयान-३ च्या यशस्वी लॅन्डींग नंतर पुढचं टार्गेट आता 'सुर्य' ठेवण्यात आले आहे. तसं जग हे अनेक           ता-यांपासून बनवलेलं आहे. जगाचं रहस्य जाणून घेण्याची उत्सुकता जगभरातील शास्त्रज्ञांना आहे. भारत सुद्धा यात अग्रभागी आहे. सौरमालेत सुर्याला अनन्यसाधारण महत्त्व आहे. लाखो अंश सेल्सिअस गरम असलेला आणि पृथ्वीच्या आकारापेक्षा लाखो पटींनी मोठा असणारा हा एक आगीचा गोळा आहे.सूर्याच्या पृष्ठभागावर प्रत्येक क्षणाला हजारो-लाखो विस्फोट होतात.चार्ज प्लाझ्मा, अति तापमान,‌आणि चुंबकीय क्षेत्रातील बदलांमुळे हे स्फोट घडतात. या स्फोटामुळे एक भयंकर वादळ निर्माण होते आणि भरपूर चार्ज झालेला प्लाझ्मा अवकाशात पसरतो. पृथ्वीच्या दृष्टीने सुर्य हा अत्यंत महत्त्वाचा गृह आहे. त्यापासून मिळणारी उष्णता आणि उर्जा अत्यंत महत्त्वाची आहे. जगातील अमेरिका, जर्मनी आणि युरोपियन स्पेस एजन्सी या तिघांनीच सुर्याचा अभ्यास करण्यासाठी अवकाश मोहिमा सुरू केल्या आहेत. भारताने पुढचे लक्ष्य 'आदित्य L1' या मोहिमेवर केंद्रित केले आह...

 चंद्रयान-३  🌙 चे यशस्वी लँडींग . देशाच्या इतिहासात सुवर्णाक्षरांनी लिहिली गेलेला दिवस. प्रत्येक भारतीयाची मान अभिमानाने उंचावेल असा दिवस म्हणजे बुधवार दि. २३ ऑगस्ट २०२३, वेळ सायंकाळी ६ वाजून ४ मिनिटं. 🌙 चंद्रयान-३ चे विक्रम लँडर आणि प्रज्ञान रोव्हर 🤖 हे यशस्वीपणे पृथ्वी पासून जवळपास चार लाख किलोमीटर अंतरावर असलेल्या चंद्रावर उतरले. भारतीयांसोबतच संपूर्ण जगातील विज्ञान विश्वाचे डोळे या महत्वपूर्ण बाबीकडे लागले होते. रशिया, चीन आणि अमेरिका यांच्यानंतर भारत हा जगातील चौथा देश ठरला, ज्यांनी चंद्रावर आपली क्षमता सिद्ध केली. गर्वाची बाब म्हणजे दक्षिण ध्रुवावर आपले यान उतरवणारा भारत हा जगातील पहिला देश ठरला आहे. अंतराळ क्षेत्रातील आपले प्राविण्य भारताने सिद्ध केले आहे. तिरंगा अभिमानाने डौलू लागला. देशात जल्लोष साजरा:- प्रत्येक भारतीयाची नजर चंद्रयान-३ मोहिमेकडे लागली होती. चंद्रयान-२ अवघ्या २०० मीटरवर असताना त्याचा संपर्क तुटलेला अनुभव पाठीशी होता. यावेळी मात्र भारतीय अंतराळ संशोधन संस्थेच्या शास्त्रज्ञांनी सर्व प्रकारची खबरदारी घेतली. ज्यावेळी चंद्रावर चंद्रयान-३ चे स...

 जेनेरिक औषधे जेनेरिक औषधे म्हणजे ब्रॅन्डेड नेसलेली, स्वस्त पण दर्जेदार औषधे. जेनेरिक औषधांच्या बाबतीत सर्वसामान्य जनतेला फारशी माहिती नाही. प्रिस्क्रिप्शन लिहून देणारे डॉक्टर जेनेरिक औषधे पेशंटला लिहून देत नाहीत. मेडिकल स्टोअर्स वाले जेनेरिक औषधे ठेवत नाहीत. त्यामुळे स्वस्त असूनही जेनेरिक औषधे सर्वसामान्यांपासून दूर आहेत. आपण जेनेरिक औषधांची माहिती जाणून घेण्याचा प्रयत्न करू. मानवाच्या जन्माअगोदर पासून ते मृत्यू पर्यंत औषधाचा अतिशय जवळचा संबंध आहे. औषधं हा अन्न, वस्त्र, निवारा सारखाच जीवनाचा अविभाज्य भाग बनला आहे. देशात, जगात औषधी न वापरणारा मनुष्य सापडले दुर्मिळ आहे. मानवा बरोबरच पाळीव प्राण्यांच्या जीवनाची वाटचाल सुद्धा औषधांकडे केंव्हाच पोहोचली आहे. साध्या सर्दी, खोकला, ताप पासून ते अतिशय कठीण शस्त्रक्रियेसाठी औषधी लागतेच. पुर्वी 🌲 झाड- पाला, वनस्पती, कंदमुळे, वेली, त्यापासून मिळणारे रस अशा विविध बाबी औषधी म्हणूनच वापरल्या जात. 'आजीबाईचा बटवा' हा अत्यंत गुणकारी आणि प्रसिद्ध होता. जसं विज्ञान प्रगत होत गेले, त्याप्रमाणे औषधांचे स्वरूप बदलले. अभ्यास आणि संशोधनानंतर औषध...

 'चंद्रयान-३ LVM-3 M4' मोहिम           भारतीय हे जगातील संपन्न राष्ट्र म्हणून पुढे येत आहे. अंतराळ क्षेत्रातही देशाने दैदिप्यमान कामगिरी केली आहे. ४६० कोटी वर्षांपूर्वी निर्माण झालेल्या सुर्याचे पृथ्वी पासूनचे अंतर १४ कोटी ९६ लाख किलोमीटर असून सूर्याच्या प्रमंडळाचा अभ्यास करणारे यान 'आदित्य एल-वन' ची तयारी सुरू आहे. भारतीय अंतराळवीर भारतीय यानातून अवकाशात पाठविण्यासाठी 'गगनयान' पाठवण्याची योजना सुरू आहे. मंगळ ग्रहावर मोहिमेचा दुसरा टप्पा म्हणून 'मंगळयान-२' पाठवले जाणार आहे. शुक्र ग्रहाचा अभ्यास करण्यासाठी 'शुक्रयान' पाठवण्याची तयारी सुरू आहे. अवकाशातून पृथ्वीचा अभ्यास करण्यासाठी एक वेधशाळा ज्याचे नाव 'निसार' असून नासा-इस्त्रो-सिंथेटिक अपर्चर रडार झेपण्याच्या तयारीत आहे. अशा अनेक मोहिमा जगात भारताचे स्थान भक्कम करण्यासाठी तयार आहेत. देशाने 🌙 'चंद्रयान-३ LVM-3 M4' हे यान १४ जूलै २०२३ रोजी दुपारी २.३५ वाजता चंद्र 🌙 ग्रहाचा अभ्यास करण्यासाठी पाठवले आहे. त्याविषयी माहिती जाणून घेण्याचे कुतूहल सर्वांनाच आहे.           चंद्रयान...

शेती  आणि  🚡   ड्रोन तंत्रज्ञान           शेती करणे हे अतिशय कष्टाचे काम आहे. शिवाय मजूर मिळणे ही कठीण बाब झाली आहे. मिळाले तर जास्तीची मजुरी मागतात. वेळेवर कामे केली नाहीत तर प्रत्येक गोष्टीवर परिणाम होतो. पीक फवारणी वेळेत झाली नाही तर पिकावर जास्तीचा रोग फैलावतो. वेळेवर कामे करावयाची असतील तर तंत्रज्ञानाची मदत घ्यावीच लागेल. कमी कष्टात आणि उत्पादन क्षमता वाढवण्यासाठी वेगवेगळ्या पातळीवर अनेक प्रयत्न सुरु आहेत. कमी काळात अधिक प्रभावी वापर व जास्तीतजास्त लाभ घेण्यासाठी ड्रोन तंत्रज्ञान हे अतिशय उपयुक्त ठरत आहे. केंद्र-राज्याचा हातभार ,  सहकार क्षेत्राचे योगदान आणि जनतेचा उदंड सहभाग हे ड्रोन वापरातील मैलाचा दगड ठरणार आहे. शेतीसाठी ड्रोनचा वापर शेतकर्‍यांसाठी आदिक किफायतशीर मानला जातो. जास्तीचे उत्पादन मिळवत अॅग्रोकेमिकल्स ,  खते ,  फवारणी यामध्ये मोठ्या प्रमाणावर बचत होते. D RONE  चे  विविध शब्दाचे संक्षिप्तरूप आहे:- D ( डी ) – डायनॅमिक   R ( आर ) – दूरस्थपणे O ( ओ ) – ऑपरेट केलेले N ...

  ड्रोन 🚡 तंत्रज्ञान            लग्नकार्य किंवा सार्वजनिक समारंभात ड्रोन कॅमेरा वापर आपण जवळून अनुभवलेला आहे. आज आपण ड्रोन म्हणजे नेमके काय हे जाणून घेण्याचा प्रयत्न करू. ड्रोन उडतात, ते फोटो काढतात, वन्य प्राण्यांना वाचवतात, इतकेच काय तर भुकंपात अडकलेल्या लोकांची सुटका सुद्धा करू शकतात. मिलिटरीला दुर्गम भागात मदत करतात. ड्रोन म्हणजे कॅमेरा 📷 आणि काही सेन्सर असलेला उडणारा संगणक म्हणजे ड्रोन होय. ड्रोनला UAV म्हणजे unmanned  Aerial 🚡 vehicles किंवा Dynamic Remotely Operated Navigation 🧭 Equipment असे म्हणतात. ड्रोनला अशा ठिकाणीही सेट केले जाते, जिथे मानव पोहोचणे अशक्य आहे. ड्रोनला आकाशाचा डोळा देखील म्हटले जाते. तो अनेक काम करू शकतो. मुख्यतः अशा कामासाठी त्याला तयार केले गेले आहे जे मानवांसाठी स्वतः करणे धोकादायक आहे. मुळात हे लघु रोबोट्स आहेत, जे उडण्यास सक्षम आहेत. ज्यामध्ये ते रिमोट कंट्रोल सिस्टीमच्या मदतीने नियंत्रित केले जातात. मानवी आवाक्या बाहेरील किंवा धोकादायक आणि कठीण अशा परिस्थितीत ड्रोनचा वापर केला जातो. ड्रोन तंत्रज्ञान...

  जगातील सर्वात मोठी 🏢 इमारत आता भारतात             जगात सगळ्यात मोठी भिंत म्हणून चीनची ओळख आहे. तर जगात सर्वाधिक उंचीची 🏢 इमारत म्हणून अमेरिकेतील संरक्षण मंत्रालयाचे मुख्यालय जे वर्जिनिया राज्यातील आर्लिंगटन शहरात असलेले 'पेंटॅगॉन' हे होते. मात्र जगात सर्वाधिक उंच बिल्डिंगचा मान अमेरिकेच्या पेंटॅगॉन' ची जागा गुजरातच्या सुरत शहरामध्ये उभारण्यात आलेल्या 'डायमंड बोर्स' या भव्य दिव्य बिल्डिंग ने पटकावला आहे. ही बिल्डिंग भारताची ओळख जगभरात पोहोचवणार आहे. गुजरात मधील सुरत शहरात हिऱ्यांची प्रसिद्ध इमारत उभी राहिली आहे. त्याची चमक इतकी आहे की साऱ्या जगात ती फैलावणार आहे. जगातील रत्नांची राजधानी म्हणून प्रसिद्ध असलेली सुरतची ही इमारत 'वन स्टॉप डेस्टिनेशन' म्हणून बांधण्यात आली आहे.  ही इमारत तयार करण्यासाठी पाच वर्षाचा वेळ लागला असून जवळपास ३२०० कोटी रुपये खर्च आलेला आहे. ३५ एकर विस्तीर्ण जमिनीवर बनलेली ही १५ मजली टॉवर मध्ये नऊ आयाताकृती कॉम्प्लेक्स बांधलेले असून ती सर्व सेंट्रल स्पाइनच्या स्वरूपात एकमेकांशी जोडलेली आहेत. यात १२५ लिफ्ट असून, ३०० स्...

  सोशल मीडियाची चटक वाढतेय           सोशल मीडिया हे प्रभावी माध्यम असले तरी त्याचा अतिरेकी वापर वाढल्याने मानवास विचार करण्यासारखी परिस्थिती निर्माण झाली आहे. अन्न, वस्त्र आणि निवारा ह्या मानवाच्या मूलभूत गरजा . मात्र बदलत्या काळानुसार मोबाईल आणि सोशल मीडिया ही सुद्धा आणखी एक गरज बनत आहे. हे मी सांगत नाही तर जागतिक पातळीवरील एका सर्व्हेतून समोर आलेले आहे. आज महालापासून ते झोपडी पर्यन्त सर्वांना मोबाईल लागतोच. नव्हे तो आहेच. उपरोधाने आपण म्हणत होतो की मोबाइल जिवनावश्यक आहे, आत्ता तर ते खरे निघत आहे. झोपेतून उठल्या उठल्या पहिल्यांदा मनुष्य काय शोधत असेल तर तो मोबाईल. मग तो किती वाजले हे पाहण्यासाठी असो, व्हाट्सअप मेसेजेस चेक करण्यासाठी असो किंवा इतर कोणत्याही बाबींसाठी असो. कोणी काय स्टेटस ठेवले किंवा आपणास काय स्टेटस ठेवायचे हे बरेच जण झोपेतून जागे झालेकीच ठरवतात. पहिले 'बेड टी' ला नांवे ठेवली जात. आत्ता त्याच्याही अगोदर मोबाईलच्या माध्यमातून सोशिअल मिडियाचा प्रभावी वापर सुरू आहे. अनेक मोबाईल कंपन्यांनी सुरूवातीला फ्री डेटा देवून इंटरनेट वापरण्याची सवय अंगवळ...

 पेटलेलं  मणिपूर मणिपूर मध्ये कंगपोकपी जिल्ह्यातील गावात दोन महिलांची निर्वस्त्र धिंड काढून त्यांच्यावर सामूहिक अत्याचार केल्याची दुर्दैवी घटना अंगावर काटा आणते. त्यांच्या शरीराला विचित्र पद्धतीने हात लावला जातोय, हे खूप भयंकरच्या पलिकडे आहे. या घटनेने संपूर्ण देश हादरला आहे. माणूसकीला काळीमा फासणारी ही घटना आहे. या दुर्दैवी घटनेमूळे सर्वत्र खळबळ माजली आहे. त्याहून गंभीर म्हणजे ४ मे ची ही घटना असून आत्तापर्यंत त्यावर कोणतीही कठोर कारवाई झाली नाही. म्हणजे जवळपास ७७ दिवस या प्रसंगावर चूप्पी साधली होती. कोणताही इलेक्ट्रॉनिक आणि प्रिंट मिडिया त्यावर बोलायला तयार नव्हता. जेंव्हा सामाजिक माध्यमातून हे वास्तव बाहेर आले, तेंव्हा लोकांच्या मनात व्यवस्थेविषयी चिड निर्माण झाली. त्या महिला कोणत्या जातीच्या किंवा धर्माच्या होत्या हा प्रश्न महत्त्वाचा नसून सर्वप्रथम त्या महिला आहेत.   ही घटना पाहूनही आपले मन विचलित होत नसेल तर आपण पशु बनलोय, हे मात्र नक्की खरे आहे. कर्तृत्ववान स्त्रियांचा वारसा सांगणाऱ्या या देशात जर स्त्रियांची अशा प्रकारे 'धिंड' काढले जात असेल तर येणारा का...